Quantum Dot Pixel Technology aketba QLED TV sayaogo

Las Vegas, January 06 (Agencies): Taküm Las Vegas nung Consumer Electronics Show (CES) aliba mapang Samsung ajanga LED technology amshia yangluba TV sayaba ajanga nüburtem kanga süngmangteper. QLED ya OLED melena amshir aser iba ya Samsung den tokteper LG-i kanga amshir.
Samsung-i yanglua aliba Q9, Q8 aser Q7 TV-tem ya Ultra HD models (karbo curved display lir) aser tasazük inch 88 tashi lir, aser item ya QLED screen aketba TV rongnung mezüngbuba asütsü, aser ‘Quantum Dot pixel technology’ amshia yangluba ajanga noksa tajungba nung reprangtettsü. South Korea nung yangluba Samsung company ajanga ashiba agi, iba QLED TV ajanga noksatem sentsü ajak kanga junga yanglushiteter.
Iba TV nung kinük tesem balala nungi reprangdang noksa kanga junga angutsü atema tajungba yanglushia lir. Aser iba TV ajanga tesangwa 1,500 nungi 2,000 units tashi kumdaktsür, ta Samsung teloki ashi.
Iba TV nung Smart TV function tem nung ‘in-house operating system’-Tizen tajungba küma yanglushitsüba ajanga atangji nung repranger amai angur.
Samsung ajanga item TV jenjang ano memetetdaktsü aser item TV yagi 2016 nung adokba SUHD Smart TV tem melentsü. Item TV tem ya kanga tapu aser tepongpa lir aser LED technology nung colour, brightness aser contrast tematiba lir.