Quarantine Centre atema Tuensang DC-i committee tentet

Dimapur, Monupii/May 17 (TYO): Sao Chang College Quarantine Centre (QR) inyakyim ketdangsütsü asoshi Deputy Commissioner, Tuensang ajanga management committee ka tentettsüogo. Iba committee nung Executive Engineer WRD, Er. Ngakuchingmak Chang ya team leader asütsü aser JE PHED, Ngamen Chang; JE Electrical, Lihori Sangtam; Vice Principal ITI, Netenba; JSCO, Beso Chang; Supervisor Social Welfare Department, Wongto Chang; GT Yimpang, C. Changkumba Chang aser CKS/KTC/USLP/YTC/CCSU/KSU/USSC/YAA lokti tentet shia nungi züngsem kaka aser 3rd NAP Ward tir O. Somba nungertem züngsem asütsü.
Iba committee ajanga Chare nung reception committee den osang agitepa district-i meyiba shilangertem atema nüngdakbatem anepalutsütsü.
Parnoki quarantine centre dak sendakba record tejangja bendena ayutsü aser anogoshi War Room nem osang agütsütsü. Iba committee yagi quarantine centre nung anogoshi inyakyim asadangtsü aser nüngdakba ajitetbatem ketdangser nem metetdaktsütsü.
Parnokisa quarantine centre nung chiyongtsü agütsüba, mürekmejuba, tzü aser electricity amala agütsübatem reprangtsü.
Maneni iba committee ajangasa quarantine centre nung aliba security agencies/medical team tem den osangtsüsang agitepa mapa balala inyakba nung yariteptsü.