Queen Elizabeth II-i Iraq, Afghanistan nung raratem asoshi nüngo ka lapoktsü

Istanbul, March 10 (Agencies) : Hokolbarnü mepet tali asüba ajanga helicopter kati Television Tower ka dak atsükba sülen Istanbul tezülen aliba highway ka nung lua tsükok, ta osangbenertemi ashi.
Iba lendong nung nisung pungu süogo, ta Istanbul Angh-i metetdaktsü.
Iba helicopter ya ‘Eczacibasi group of companies’ meyong lir aser iba tayimtsü tsükokba mapang nisung tenet mena liasü. Mena alirtemji company indang agent pezü, Turkey nunger ka aser pilot ana ta liasü.
Angh Vasip Sahin-i, iba helicopter ji Itsanbul Ataturk Airport nungi apusoba sülen Istanbul kübok Buyukcekmece district nung tsükok aser iba tayimtsü koma sür tsükok ibaji tang bushisüngdangdar, ta ashi.
Tenük kuli angur, taxi anishir, Fikret Karatekin-i, “Iba helicopter ji gari lenmang nung alua metsükok dang tamasa tower ka nung atsük,” ta telephone ajanga osangbenertem dang ashi.
“Helicopter jagi tower nung atsükba sülen longzü yonga alua tsükok aser tang iba gari lenmang nung gari mesenzüdaktsüi shibanga lir” ta pai ashi.
Iba helicopterji anüksaa raksa aser gari lenmang o lenmang tezü ajak sünga prokshi. Video ka nungbo iba helicopter tsükokba highway nungi mokozü tanak adokba tangoka lir.