Queen otsü film nung Rami Malek-i Freddie Mercury shilem agitsü

Los Angeles, November 06 (Agencies): Kentener telok ‘Queen’ indang otsü nung ajemdaker yangluba film ‘Bohemian Rhapsody’ nung actor, Rami Malek-i Queen telok nungi nüngtugu vocalist asür, Freddie Mercury shilem agitsü.
X-Men direct asüsang Bryan Singer-i iba film direct asütsü aser New Regency den Fox-i Graham King den külemi produce asütsü, ta variety.com osang ajanga metetdaktsü.
Bryan Singer-i iba osang ya pa indang Instagram account ajanga sangdongogo; Instagarm nungsa Queen telok züngsemtem noksa ka lemsatepba den külemi Malek tenati iba film nung shilem agitsü ta metetdaktsü.
Theory Of Everything ajanga nüngtugu akumsang, Anthony McCarten-i iba film otsü züluogo.
Sacha Baron Cohen-i iba film nung Freddie Mercury shilem agitsü memelungba sülen Graham King-i director aser  Mercury shilem agitsü atema nübo tasen bushia liasü.
Arishi küm 35, Rami Malek-i tawa ‘Mr. Robot” film ajanga Best Actor Emmy ngua liasü.
British nunger kentener, Freddie Mercury ya Queen telok nung tongti kentener liasü. Pa 1946 küm September 5 nü Stone Town, Tanzania nung aso aser 1991 küm November 24 nü Kensington, London nung asü.