Quentin Tarantino-i ‘Kill Bill 3’ adoktsü akok

December 09, 2015: Film yanglur Quentin Tarantino-i “Kill Bill” film tasembuba yangluner, aser pai film tasenba atema pa mulungjang nung otsü lir, ta shiogo.

Arishi küm 52 Oscar award angusang director Quentin-i, Uma Thurman-i tongti shilem agiba American martial arts film “Kill Bill 3” ‘The Bride’ ta ser yanglutsü akok, ta ashiba Digital Spy osang ajanga metetdaktsü.

“Film tasen yanglutsü akok: Uma küna ano maneni jangratema inyaktsü,” ta Tarantino-i ashi.

“Django” director-i “Kill Bill 3” atema bilemba ali asünungbo pai mera tulu ka agir.

“Ni (Thurman) character nung mapang senti intoker aser tangbo ni la nem tesünep mapang peria agütsüner. Ni la nem lar jala atema mapang peria intokdaktsüner,” ta ashi.

Tang Tarantino pa indang film “The Hateful Eight” sayatsü atema renema lir, iba film ya sangküm January 8 nü sayatsü.

Ano 70mm screen nungbo iba film ya Khristmas hopta nung sayatsü.