Quinton-i Kohli ajangteta 10 ODI Centuries yanglur tanubotisang akümer

London, February 11 (Agencies): England den tang tasayadak One-Day International (ODI) series asaya nung South Africa nunger Quinton de Kock-i century yanglua India nunger batsman mongin, Virat Kohli ajangteta alima ajunga nung 10 ODI Centuries yanglur batsman tanubotisang yashi, Bodbar nü kümogo.
England den asayaba 3 buba ODI asaya nung Quinton-i runs 135 yanglua 10 ODI Centuries otsü tasen yangluba den külemi, pa tekaraba mapang nung 10 ODI centuries yanglur asayar küma maneni otsü yanglu.
Quinton-i innings 55 nung alizüngji tonga külem sensopur, Hashim Amla-i innings 57 nung 10 ODI centuries yangluba otsü ajangtetogo.
Kohli arishi küm 23 ser anogo 159 tain alidang 10 ODI centuries yanglur tanubotisang aküm saka Quinton arishi küm 23 ser anogo 54 tain lia tan otsü tasenji yanglu.
Tan 10 ODI centuries yangluba sülen Quinton ya par South Africa batsman rong nung 7 buba 10 ODI centuries yanglur asayar kümogo.
Pa jakdang, AB de Villiers, Amla, Herschelle Gibbs, Jacques Kallis, Gary Kirsten aser Graeme Smith nungeri iba alizüng ya ajangzüka lir.