Quiz aser Debate tetoktepba agitsü

Dimapur, Mongputeni/October 16 (TYO): Department of Parliamentary Affairs-i ayongzüka October 18 nü ATI Imagine Hall, Kohima nung ‘Be the Voice’ omen nung ajemdaker State Level Parliamentary Quiz & Youth Parliament Debate Competition 2019 agitsü. Iba sentong nung Minister for Planning & Coordination, Land Revenue & Parliamentary Affairs, Neiba Kronu alakteta jaoker asütsü.
Iba tetoktepba lapokba sentong ya Coordinator, State Level Youth Parliament, Evothung Ezung lenisüba kübok akatsü aser Asst. Professor, Kohima College Kohima, Dr. Eunice Alinger-i tepela o jembitsü. Sentong nungsa Commissioner & Secretary, Department of Parliamentary Affairs, Motsuthung Lotha-i lokti pelaa agizükba o jembitsü, ta ketdangser sangdong ka ajanga metetdaktsü.