R-Day nung Angh-i wako salatsü

Kohima, Aenjeti/January 23 (TYO): January 26, 2020 nü Kohima nung Republic Day anogomong sentong nung Nagaland Angh, R.N. Ravi-i linük wako salatsü aser Rashtriya salem agizüktsü, ta ketdangsertem osang ka ajanga metetdaktsü.
Tesüiba kümtem ama masü saka takümbo Kohima nung Angh-i Republic Day onük mejembitsü, saka pa indang onükji tanga tesem ajak nung azüngtsü. Ajisüaka Angh-i January 25, 2020 aonung All India Radio Kohima aser Doordarshan Kendra Kohima ajanga Republic Day osang abentsü.
Taruba R-Day anaogomong atema Secretariat Plaza, Kohima nung kanga mazüngi renemdar. Iba anogo nungsa sorkar departments exhibition alitsü.