R-day parade atema Arunachal nunger Yak dance shim

Itanagar, December 20 (Agencies) : Sangküm Republic Day parade nung tableaux atema Arunachal Pradesh nungi nüngtugu ‘yak dance’ shimogo.
Sangküm parade atema state aser union territories 15 shimogo aser parnok rongnung Arunachal Pradesh dena lir. Northeast nungi Arunachal den Manipur aser Tripura na shima lir, ta sorkar sangdong ka nung metetdaktsü.
State tem rongnungi tableaux nung shilem agidaktsütsü purtem shimtsü atema Defence ministry-i expert committee ka nem mapa nungloktsü, ta sangdong nung shia lir.
Republic Day sentong nung Arunachal Pradesh-i 2014 aser 2015 kümtem atongtepa shilem agia liasü saka 2016 nungbo parnok meshim. 2014 nung parnoki ‘Igu Dance’ aser 2015 nung ‘Aji Lhamu’ ajanga shilem agi.