R-Day Parade nung mezüngbuba tetsür Contingent-i shilem agi

New Delhi, January 26 (Agencies): Taküm Republic Day Parade nung tetsürtemi otsüsütsü süa shilem agia liasü aser tang mezüng atema Major Khusboo Kanwar-i anir all-women Assam Rifle contingent kati shilem agi.
Arishi küm 30 tain Major Kanwar ya bus conductor ka jala lir aser la ya Rajasthan nungi lir.
Tanü Republic Day Parade nung tongti shilem agiba tetsürtem rongnung Lt Ambika Sudhakar-i Indian Navy aser Lt Bhavna Kasturi-i Army Services Corps contingent ketdangsüa aniba liasü.
Ano tang mezüng atema tetsürtemi shilem agibaji all-women biker Border Security Force (BSF) contingent liasü. Captain Shikha Surbhi-i anir tetsürtemi motorcycle nung daredevil stunts aika sayu.
Air Force aser Navy nung contingent ka ka, paramilitary forces contingents, Delhi Police, National Cadet Corps aser NSS den band party 16-i parade nung shilem agi.
70 buba Republic Day Parade ya otsüsütsü benjung ka liasü kechiyong Netaji Subhash Chandra Bose lenisüba kübok British nunger den raraba Indian National Army (INA) nung adener par pezü benjung nung aden. Parnok ajak ya arishi küm 90 tema taintem dang lir.