R.N Ravi-i Poang Lüm salem abener

Dimapur, January 12 (TYO): Nagaland aser Meghalaya Governor RN Ravi-i Nagaland nung alirtem aser talisa Chang nunger dangi Poang Lüm salem metetdaktsüogo.
“Iba benjung amongba ya Nagaland nung alirtem tsüngda telongjem adokdaktsüba lenmang ka südakjang aser ajaklen terenlok angutsü atema putu ka tenzüker süangma” ta Governor RN Ravi-i ashi.
Aluruba sülen amongba benjung ajanga nübortemi pei tera den sendakteptsü aser alima ainba den jangyu medema anidaktsü. Iba benjung mapang lanurtemi Nagaland tasenba ka yangertsü atema tebilemtsü abentsü ayongzüker, ta paisa ashi.