R. Tohanba-i Kohima Municipal Council office semdang

Kohima, July 29 (TYO) : Bodbarnü Economics & statistics aser Municipal affairs Parliamentary secretary, R. Tohanba-i Kohima Municipal Council (KMC) office semdang aser ketdangser o staff den ajurutepa sensaksem.
Iba mapang Youth Resources & Sports, Music Task Force aser State lotteries Parliamentary secretary, Khriehu Liezietsu den Kohima Deputy commissioner, Rovilatuo Mor aser Directorate of Municipal Affairs nungi ketdangsertem liasü.
Tanü Tohanba-i o jembidang, KMC-i mapa tajung inyakba atema tenüngsang agütsü aser maneni state yimtiba Kohima nung alirtem yaritsü ayongzük.
KMC ya sorkar indang kongsang ka lir aser iba yongji ketdangsüba nung tashi itshitsüla aser state yimtiba tali renlokdaktsütsü asoshi mapa meranga inyaktsüla. KMC-i inyakyim balala atema saru agir anungji item nungi anguba senji kanga kümdanga amshitsüla, ta Tohanba-isa shisem.
Tanü agiba sentong nung mendenji KMC administrator Kovi Meyase liasü, Khanchulo Kath-i ken ka aten aser Sr. MI, KMC Kikruselie Pienyii-i anküp tepela o jembi.
Sentong nungsa KMC superintendent Zakiekhotuo Kiso-i KMC indang power point presentation ka sayu.