R. Tohanba-i Marathon Race tenzüktsü

Dimapur, November 15 (TYO) : November 14, 2015 nü Department of Municipal Affairs aser Kohima Municipal Council (KMC) nati Smart City Kohima atema Marathon Race ka ayongzüka agi.
Iba asemtepba ya ‘Smart City, Smart Health’ omen nung ajemdaker agi aser tongti tesemdanger Municipal Affairs Parliamentary Secretary, R. Tohanba-i tenzüktsü.
PHQ lenjem nungi tenzükba sülen asemtepertemi main town aser idak nungjagi D-Block adena Razhu point leni orr Old MLA lenjem nung temgbang.
Kohima Smart City kümdaktsütsü nükdjidong aser sensopurtem dang temang anema alitsü osang proktsü nüngtem nung iba sentong ayongzüka agir, ta R Tohanba-i o jembidang ashi.
Sentong nung KMC Administrator, Kovi Meyase-i ashiba agi, iba asemtepba nung takok angur nem November 23, 2015 nü State Consultative Meeting alidang senpettem agütsütsü.
Mezüng jenjang angur nem sen 10,000, tanabuba nem sen 5000 aser tasembuba nem sen 3000 sempettem agütsütsü, ta pai ashi.
France aser Germany nunger ana densema tasemteper ajak agi parnok nisung 65 liasü aser tatem nung Kezhalezo Neikha-i mezüngbuba jenjang, Salew Kadete-i tanabuba aser Shiangjiu Khiamniungan-i tasembuba jenjang takok angu. Bendanger anaji ‘Project 72 Hours’ den Community Service inyakertem lir.
Asemtepba tenzükba sentong nung Kohima Deputy Commissioner, Rovilatuo Mor IAS, Additional Director & HoD of Municipal Affairs Department, Dr. Toshimanen Ozukum aser ketdangsertem, KMC ketdangsertem aser Sievituo-i anir ‘Project 72 Hours’ züngsemtem aden.