Rachel McAdams-i Doctor Strange film nung shilem agitsü

Los Angeles, September 15 (Agencies): ‘The Notebook’ film nung shilem agir Rachel McAdams-i Benedict Cumberbatch den külemi ‘Doctor Strange’ film nung shilem agitsü, ta Entertainment Weekly ajanga metetdaktsü.

Doctor Strange ya Marvel Studios indang superhero film ka lir aser neurosurgeon nungi ain aketer Stephen Strange akümba indang otsü lir.

Benedict-i Stephen Strange indang shilem agitsü saka Rachel McAdams-i koba shilem agitsü ano yimjak nung metetdaktsü.

Doctor Strange ya Scott Derrickson-i direct asütsü aser film nung Tilda Swinton, aser Chiwetel Ejiofor natia shilem agitsü.

Tawa tu Rachel-i romantic comedy Aloha film nung aser HBO indang True Detective season tanabuba nung shilem agiogo.

Laisa Spotlight film nunga shilem agir aser Doctor Strange ya November 4, 2016 nü sayatsü.