Radcliffe-i ano Harry Potter shilem agitsü mulunga lir

Los Angeles, June 29 (Agencies): Tarutsü nunga Harry Potter shilem agitsü melunga lir, ta Daniel Radcliffe-i ashi.
Actor Radcliffe-i, pai ano kasa shilem agitsü melunga lir, ajisüaka tensa mapang otsüji khenyongi balaka asütsüla, ta ashi.
Radio Times magazine den jembidang Daniel Radcliffe-i, “Ibaji otsü dak keta lir. Tensa mapang otsüji khenyongi balaka asütsüla,” ta ashiba aceshowbiz.com osang ajanga metetdaktsü.
Radcliffe-isa pa sapurtemi pai Harry Potter shilem agiba aser pa indang film tasenba ‘Now You See Me 2’ na medemdangba indang jembi.
Pai ashiba agi, “Kari kü dang mashi tashibo ni magic den sentaktepba indangji memeteti liasü. Parnoki, ‘Ano nai magic indang tasüngdangba aika angutsü’ ta ashi aser ni, ‘atangji ni ibaji angutsü südi’ ta ashi.”