Radha Kumari tepsetba atema nisung ka aitsü

Sivasagar, September 27 (Agencies): Assam nung Radha Kumari tepsetba ken o nung Hokolbarnü Sivasagar Sessions Court-i Bipin Pandey metentsü aser Bikash Das aitsü.
Okadaki September 30 nü temerenshi agütsütsüba indang osang sangdongtsü.
Radha Kumari atema okatsür Anil Dutta-i ashiba agi pai Bikas Das tasüba agi merenshitsü mesüra taküm piyong tepuokdak ayutsü atema temepishiba agütsütsü.
July 10, 2018 nü Tinsukia-Rangia passenger train nung arishi küm 21 tain Radha Kumari tango mesashidaktsüi südaktsüba sülen tashiyim agi shi nung medem.
Simaluguri rail station nung la indang mangji train nung metsümeshidak ka nung lia angu.
La ya Assam Agriculture University nung azünger ka liasü aser tetsü’er kidangi aodang iba lendong ajurua liasü.
La asüba sülen anogo ana lir, July 12 nü Furkuting railway station nung ano tanga tetsür ka indang tasümang angu.
Iba tetsürlaji Lalima Devi liasü aser la-a Radha Kumari tepsetba ama tepseter lia angu.
Iba dak sendakba nung railway police-i Simaluguri nung ken o ka benok aser July 12 aonung Bipin Pandey aser Bikash Das na apu.
Tetsür ana tepsetba ken o bushisüngdangtsü atema Assam Police-i Special Investigation Team (SIT) ka tentet.
July 18, 2018 nü Sivasagar Civil Hospital nung tai tonglokja alir anaprong dak DNA test agi.
Iba sülen Assam sorkari tetuyuba agütsüba ama iba ken o ya fast track courts nung dang angadanga liasü.
Ita ana tejakdang Tinsukia Sessions Court-i Lalima Devi tepsetba ken o nungi Bipin Pandey metentsü aser Bikash Das taküm piyong tepuokdak ayutsü atema oshidang agütsü.