Raees film Dangal aser Sultan den medemdangtsü makok:SRK

Mumbai, January 31 (Agencies): Shah Rukh Khan-i box office nung Raees film takok anguba atema pelaba Shah Rukh Khan-i lemsatep. Dangal aser Sultan film koba Raees dang nungi kanga agi tako tuluba angu, item film tem den Raees medemdangtsü asoshi kecha nüngdak madoker, ta pai shisem.
Raees film January 25 nü sayaba nungi tenzüker tang tashi kanga takok nunga odar. Raees film imlaba dang nungi tajungba takok ngua odar, aser teyanglurtemi imlaba nükjidong tongra aij teperi, ta Shah Rukh-i ashi.
“Kechiba taoba mapang kanga dang takok anguba film Dangal aser Sultan den medemdangtsü. Raees film-i parnoki tongtetba jenjang metongtettsü südi, saka koba jenjang tashi iba film-i tongtettsü onoki meteta lir, aser aji tongra onok kanga pelatsü,” ta arishi küm 51 tain actor-i yasüng film takok anguba asoshi benjung aliba mapang ashi.
“Onoki iba film nisungtemi saputsü ta imla liasü, aser yamaji nüburtemi kanga sapua agizükba asoshi kanga pelar, koba onok asoshi tongtibangtiba lir. Timtem ka aliba ajanga film sayatsü asoshi tera menu, saka ajak kanga junga tempangba asoshi kanga pelar,” ta Shah Rukh-i shisem.