Rafael Nadal 2016 küm takok ngua tenzükogo

January 3, 2016: Australian Open atema Rafael Nadal kanga tasü itta alitsü kechiba süra pai United Arab Emirates nung tesüiba Honibar nü Mubadala World Tennis Championship nung Canada nunger Milos Raonic madak 7-6 (7-2) 6-3 agi takok angu.
Pai tan takok anguba zünga iba marok ya joko asemben buba abenerba lir. Pai kasa marok ya 2010 aser 2011 nunga bena liasü.
“Küm tasen nung takok ngua tenzükbaji kanga jangratemtsüka lir. Ni tanü kanga junga asayatetogo aser ni ibaji atema pelar,” ta Nadal-i ashi.
Spain nunger, Nadal-i taoba küm Grand Slam mesüra ATP World Tour Masters 1000 ka danga takok mongui küm tembang.
“Ni tangbo kanga junga asayateter, ni tajungba akümtsü asoshi meranger,” ta pai ashi.