Rafael Nadal-i Madrid Open Final tongogo

Madrid, May 13 (Agencies): Madrid Open pezüben koka alisang, Rafael Nadal-i asaya tenet tashi adonga tamakok aluba tempanga Semi-final nung Novak Djokovic madak takok nguogo aser Madrid Open final tongogo.
Arishi küm 30 tain, Nadal-i 6-2, 6-4 agi Serbia nunger Djokovic madak takok angu. 2014 French Open final nung takok anguba sülen ibai mezüngbuba Nadal-i Djokovic madak takok angur asütsü.
Nadal-i clay court nung asayaba tajungba kümdagi aser taküm pai clay court 14 ben asayaba ajunga nung koktetogo. Pai Austria nunger Dominic Thiem mesüra Uruguay nunger Pablo Cuevas den final Deobarnü asayatsü.
Tetsürtem asaya nung Kristina Mladenovic aser Simona Halep tsüngta final honibarnü asayatsü.
Nadal aser Djokovic-na 50ben asayaba nung Nadal-i 24ben kokogo.
“Result tajung lir. Iba ama score nung Novak akoktsüba ya junga asayaba ajanga lir, aji mesüra tamakoktsü,” ta Nadal-i asaya temer ashi.
“Pai akoktsü langa lir. Ni asoshi iba asaya majung liasü. Ni unforced error aika mena,” ta Djokovic-ia ashi.