Rafael Nadal-i Montreal nung takok ngua No. 1 akümtsü renemshir

New Delhi, August 08 (Agencies): Tebur tennis kija asayar Rafael Nadal-i ATP Montreal Masters nung pa den tokteper tsükdaktsütsü asoshitemolung agütsüshitsü, ta ashi.

Montreal nung Spain nunger Nadal ya semi-final danga tongtetra teburtem tennis asayar jenjang züngdangba nung pai Britain nunger Andy Murray ajateta temaba jenjang angutsü.

“Ni tangbo iba atema mebilemer. Tangbo ni terenemshiba shidak agitsü merangba mapang lir,” ta taoba mapang World No. 1 alisang-i ashi.

“Iba season tetenzükdang asayaba ama ni asayatsü merangtsü, anungji ni iba ama asayatetra ni junga asayatettsü,” ta pai shisem. Nadal ya iba Canadian title pezüben buba abentsü atema Bodhbarnü nungi

asayaba nung Croatia nunger Borna Coric mesüra Russia nunger Mikhail Youzhny den asaya tenzüktsü südi.

Montreal Masters nung Andy Murray masayateter. Novak Djokovic-a teka yiruba ajanga anisüngzükba mapang ka lir aser US Open akoksang, Stan Wawrinka temokok nung timtem aliba ajanga masayatettsü.

Taküm agi Nadal-i French Open ya ter ben koka lir saka Wimbledon asayamung round pezübuba nung tsükadok.

Wimbledon nung Grand Slam title 19buba ngutetsang, Roger Federer ya Montreal Master Bodhbarnü nungi asaya tenzüktsü.