Rag ‘N’ Bone Man-i BRITs awards 2018 nung shilem agitsü

Aenjeti 13, 2018: Taruba ita BRIT Awards sentong nung shilem agia ken atentsüpur rongnung Rag ‘N’ Bone Man densema lir, ta osang jangjaogo.
‘Human’ hitmaker ken atensang, Rag ‘N’ Bone Man-i yaküm BRIT Awards nung Critics’ Choice award aser British Breakthrough awards agizüka liasü, aser taküm iba sentong nung pa danga shilem agitsü asüngdang.
Awards BRIT awards sentong ya February 21, 2018 nü London nung aliba O2 Arena nung agitsü.
Iba dak sendakba nung Aenjeti 13, 2018 nü pai twitter ajanga, ”Jheez! 2017 küm kanga kera süitemogo. Yaküm @Brits nung ni award ana angu aser taküm #brits nung ni shilem agitsü, mamangteter,” ta metetdaktsü.
Arishi küm 32 kentener, shidakba tenüngbo Rory Charles Graham lir. Iba sentong nung Ed Sheeran, Sam Smith, Stormzy aser Foo Fighters teloktemia shilem agitsü.
‘Skin’ ken atensang indang mezüngbuba kensep ‘Human’ ajanga No.1 jenjang nguteta liasü, aser ibaji UK male debut of the decade kensep liasü aser iba kensepji UK charts nung hopta 47 dak tema liasü.
BRITs Chairman & CEO aser Sony Music UK & Ireland Chairman, Jason Iley-i, ”Mangdangtem atangji ataloker, ta Rory-i tatisitsü sayuogo. Pa indang kensep ita 12 merenogo,” ta metetdaktsü.
Mastercard-i sponsor asüba sentongji British nunger asayamenur, Jack Whitehall-i ketdangsüa agitsü.
Hionibarnü ‘The BRITs Are Coming 2018’, nominations tenzükba sentong agitsü aser iba sentong ya maneni Emma Willis-i ketdangsüa agitsü aser nikongdang 5:45 ako nungi UK TV channel ITV nung sayutsü.
Kasa sentong nung Liam Payne, Jorja Smith, Paloma Faith, Clean Bandit aser J Hus nungeri shilem agitsü.