Galle, August 14 (Agencies): India nunger cricket asayar, Ajinkya Rahane-i Sri Lanka den tang Galle nung tasayadak Test asaya anogo 3 buba, tanü Hokolbar nü otsü tasen ka yanglua India tenüng nung kanga junga asayaogo.
Rahane-i tanü asaya tatembanglen Sri Lanka batsman, Rangana Herath-i zükdokba ball pua tanü asaya kisüng nung batsman-temi zükdokba ball 8 buba ali nung metsükdaktsüi apur asayar küma wicket keeper dak alaka, tanga asayar kati Test asaya ka nung ball timba takok ngua apur asayar küma otsü tasenji yanglu.
Rahane-i tanü 1 buba inning nung Dimuth Karunaratne, Lahiru Thirimanne aser Dinesh Chandimal nungeri zükdokba ball apu aser 2 buba inning nung Dhammika Prasad, Kumar Sangakkara, Thirimanne, Jehan Mubarak aser Herath nungeri zükdokba ball takok ngua apu.
Rahane-i Test Fielding otsü tasen yangluogo added by nungsang on
View all posts by nungsang →
You must be logged in to post a comment Login