Rahul Bhat-i Chinese film nung shilem agitsü

Mumbai, April 15 (Agencies): ‘Jai Gangaajal’ actor, Rahul Bhat-i Chinese film ‘True Heroes’ nung shilem agitsü.
Rahul-i ashiba agi, Cannes Film Festival nung Anurag Kashyap-i direct asüba film ‘Ugly’ sayaba mapang iba festival nung pa adenba ngua pa dang China nunger action-comedy film nungji shilem agitsü asüngdang.
“Ugly atema Cannes festival nung adendang parnoki ni angu, aser idangyongjisa film ka nung shilem agitsü kü dang asüngdang. Iba project atema onoki jembitep. Aser tatemsa ni iba nung ya adentsü,” ta Rahul-i osangbenertem dang ashi.
“Ni AK shilem agitsü, shibai sentong nung meliaka China-i aoer. Ka nungi ka ta atalokbatem ajurur aser ni Chana nunger telok ka den raraba shilem nenoki angutsü,” ta pai shisem.
Du Pengfei-i direct asüba film ‘True Heroes’ nung actors- Huang Yi aser Zhao Yi natia tongti shilem agir.
“Iba film nung ni bendanger ka shilem agir aser ni English oshi nung jembitsü. Kü sasep nung ni Mandarin oshi angazükdar,” ta paisa ashi.
Arishi küm 38 actor Rahul-i  ‘Yeh Mohabbat Hai’ film nung mezüng shilem agiba sülen  ‘Ugly’ film nung shilem agiba ajanga pa nüngtugu akum.
Rahul-i ashiba agi, India nunga iba film sayatsü atema Hindi oshi nung dub asütsü, aser tanga oshitem nunga dub asütsü.