Rahul Congress Tir kümra BJP atema anogo tajung asütsü: Irani

New Delhi, June 02 (Agencies): Congress tatong Tir, Rahul Gandhi Congress Tir mendeni ajungkettsü ta osang angazükba mapang ka nung tanü BJP lenir aser Union HRD minister, Smriti Irani-i, “Rahul Gandhi Congress Tir mendeni ajungketra iba tetezü onok (BJP) atema anogo tajung asütsü,” ta ashi.

Congress lenirtemi, kobi melii Rahul Gandhi Congress Tir akumtsü ta osang sangdongba mapang ka nung Irani-i iba o jembiogo.

Rae Bareli nung Sonia Gandhi dang, Congress lenirtemi Rahul Tir kümdaktsüner asü ta asüngdanga liasü, ajisüaka lai kecha melangzü.

News 18 den jembidang Congress Party nung tongti ketdangser kati, Rahul tongti mendeni ajungkettsü, ta metetdakka liasü.

Ano party nung lenir katia, “Nenoki imlaba dang nungi tekaraba Rahul (Tir mendeni) ajungkettsü,” ta jembiogo.

Osang ajanga angazükba agi, Congress-i party nung lanur lenirtem anioktsü aser iba atemaji party nung taintem dang atsüngintsü atema asüngdangtsü.