Rahul Gandhi Congress Tir shimtsü

New Delhi, June 01 (Agencies): BJP-i linük nung Congress party meshimeshia samatsütsü atema sentong yangluba mapang ka nung Congress Party-i Rahul Gandhi party nung temaba mendeni ajungkettsü atema inyakdar.
Osangbener den jembidang Congress Party nung tongti ketdangser kati, Rahul tongti mendeni ajungkettsü, ta metetdaktsü.
Ano party nung lenir katia, “Nenoki imlaba dang nungi tekaraba Rahul ajungkettsü,” ta shiogo.
Osang ajanga angazükba agi, party-isa lanurtem anioktsü aser iba atemaji party nung taintem dang atsüngintsü atema asüngdangtsü. 2017 küm Uttar Pradesh nung assembly election agitsü tang Party jenjang mejungi aliba ajanga party-i asüngsashitsü meranger.
Rahul Gandhi temaba mendeni ajungkettsü ta joko mapang talangka jembia arur. Ajisüaka Rahul temaba mendeni ajungkettsüji ajakibo memulunger.
Osang ajangasa ashiba agi, party nung lenir tain aikati Rahul inyakyim agi mulung masür, ibayongji tetsü (Sonia Gandhi) maneni Tir inyakdaktsüner. Iba den külemi assembly election aika nung tamakok anguba atema aikati Rahul lenisüba aitsür.
Osang ajanga ashiba agi, Rahul-i office ketdangpur tasen shimba maparen tatembanglen kati arudar.