Rahul Gandhi-i Amethi nüburtem ashioktsüogo: Smriti Irani

Amethi, January 18 (Agencies): Congress Party tatong Tir Rahul Gandhi maneni aija Deobar nü Union HRD minister Smriti Irani-i, Rahul-i pa indang Lok Sabha constituency nüburtem ashioktsür, ta ashi.

“Rahul-i pa indang kibong ta jembiba nüburtem atema khuret mabener. Par kibong (Rahul’er constituency) atema khuret mabenba nisung ka dang nungi linüki kechi tajung imlatsü(?)” ta Irani-i Amethi nung osangbenertem dang ashi.

2014 Lok Sabha election nung Irani-i Rahul Gandhi matsüngdang tamakok ngua liasü, aser lai, terenlok tenüng amer Congress MP-i par constituency ashioktsüogo, ta aitsü.

“Rahul-i par constituency nung terenlok mapa meinyaktsür. “Terenlok atema lung azüngtsü atema jembiba ni nguogo, saka tesüiba küm ka ser tesadang nung ni mapang shia Amethi semdangba mapang terenlok mapa agi inyaka sayuba ni mangu,” ta ashi. Iba onük nung ni district magistrate dena jembiogo, ta lai shisem.

HRD minister-isa Amethi nüburtem dang, Samrat Bicycles Limited-i rakzükba alitem aluyimertem nem meyipa agütsütsü mesüra factory ka lapoktsü, kong kibong shia nungi züngsem kabo mapa nung anioktsü, ta nangzükogo.