Rahul Gandhi-i Meghalaya semdangtsü

Shillong, Aenjeti 26 (Agencies): Congress tir Rahul Gandhi-i taküm election agitsü aliba Meghalaya state nung Aenjeti 30 nü nungi tenzüka election atema nüboyimba sentong tenzüktsü imlar, ta party lenir Vincent H. Pala-i ashi.
Congress tir mendeni atuba sülen Gandhi-i Meghalaya tang mezüngbuba semdanger asütsü.
Ato Kilonser Narendra Modi aser Amit Shah na Meghalaya nung Luchii aser Aenjeti nung nüboyimba sentong nung shilem agiogo.
Congress tekolakba yagi West Jaintia Hills district kübok Tpep Pale playground nung election rally ka nung shilem agitsü, ta Pala-i ashi.
Meghalaya nung election Tsüklai (February) 27 nü agitsü asoshi renema lir aser Metsüremi 3 nü result sangdongtsü.