Rahul Gandhi leniba nung telok kati China semdangtsü

New Delhi, January 07 (Agencies): Communist Party of China (CPC)-i jaokba nung ajemdaker January 15 nungi tenzüka hopta ka Congress tatong Tir, Rahul Gandhi lenisüba nung party nungi teshimtet telok kati Beijing semdangtsü, ta party osang ka ajanga metetdaktsü.
Iba telok nungsa party lenir taintem- Ghulam Nabi Azad, Anand Sharma, Kumari Selja, Jyotiraditya Scindia, Rajeev Satav aser Sushmita Dev nunger dena lir.
Yaküm May ita nung CPC nungi teshimtet telok kati India semdanga liasü, iba mapang nung parnoki Congress Tir, Sonia Gandhi, taoba Ato kilonser, Manmohan Singh aser Rahul nunger ajurua liasü.
Parnokisa Ato kilonser, Narendra Modi-a ajurua liasü.
Mapang shia CPC aser India nunger yimtenren party tem ajurutepa alir.