Rahul-i AICC secy. 9 shim; Telangana, MP atema luden shim

New Delhi, Rongjui/September 14 (Agencies): Tanü Congress party Tir, Rahul Gandhi-i All India Congress Committee (AICC) secretary tasen 9 shimogo.
Sangdong ka ajanga party General Secretary, Ashok Gehlot-i, “Arunachal Pradesh atema Zenith Sangma secretary shim, Mizoram atema Amapareen Lyngdoh shim, Manipur atema Charles Pyngrope, Meghalaya atema Victor Keishing, Nagaland atema Pradyut Bordoloi, Sikkim atema Pradyot Deb Barman, Tripura atema Bhupen Kumar Borah, Jammu & Kashmir atema Sudhir Sharma aser Tamil Nadu atema Sirivella Prasad secretary shimogo,” ta metetdaktsü.
Iba dak alia Rahul-isa Research Department atema chairman shimogo.
“Rajasthan atema Lalit Mehra chairman shim, Kerala atema BS Shiju, Goa atema Ulhas Parab aser Chhattisgarh atema Idris Gandhi chairman shimogo,” ta kasa sangdong ajanga metetdaktsü.
Party-isa SC Department of Madhya Pradesh Congress Committee nung Acting Chairman atema Mahendra Singh Bodh shim.
Tanü Congress party-isa Telangana nung screening committee nung taoba mapang MP, Bhakta Charan Das chairperson shimogo. Iba luden nung tanüngba züngsem anaji Jothimani Sennimalai aser Sharmistha Mukherjee na lir, ta AICC General Secretary, Gehlot-i metetdaktsü.
Taruba assembly election nung ruling party, Telangana Rashtra Samithi anema tokteptsü atema Congress, Telugu Desam Party aser Communist Party densema opposition party tem longjemogo.
Telangana Assembly Rongjui/September 06, 2018 nü anena liasü, aser ibaji ajanga state nung assembly election ita ishika jelia agitsüsa akumer.