Amethi, April 05 (Agencies): Congress Tir, Rahul Gandhi-i Amethi Lok Sabha menden nungi tokteptsü atema April 10 nü nomination file asütsü aser UPA chairperson, Sonia Gandhi-i Rae Bareli menden nungi tokteptsü atema April 11 nü nomination file asütsü, ta party osang ka ajanga metetdaktsü.
Tenati nomination file asüba mapang nung Congress general secretary, Priyanka Gandhi Vadra-a densema alitsü. Nomination file asüba sülen party tashi sayua road show agitsü, ta kasa osang ajanga metetdaktsü.
Tan election nungbo Rahul-i Uttar Pradesh nung Amethi menden dak alia Kerala nung Wayanad menden nungia tokteptsü.
Amethi aser Rae Bareli menden naprongla atema May 6 nü election agitsü.
Rahul-i Amethi menden nungi, Sonia-i Rae Bareli nungi tokteptsü added by nungsang on
View all posts by nungsang →
You must be logged in to post a comment Login