Rahul-i Andhra Pradesh atema maongka balaka meshitsür

Delhi, October 19 (Agencies): Congress tatong Tir, Rahul Gandhi-i Ato kilonser Narendra Modi dang shidi ka ajanga Andhra Pradesh atema maongka balaka meshitsüogo, ta osang ka ajanga ashi.

Osang ajanga ashiba agi, Rahul-i Ato kilonser Narendra Modi dang Andhra Pradesh Reorganization Act, 2013 nung aliba tenangzükbatem mapang telatet ka nung inyaktsütsü sangdongang ta mepishitsüogo.

October 22 nü Ato kilonser Modi-i Andhra Pradesh semdangtsü aser state yimtiba tasenba atema lung azüngtsütsü.

Tamalen state sorkari state yimtiba tasenba benjungmungji October 13 nungi tenzüktsü aser October 22 nü tashi amungtsü, ta sangdonga liasü.