Rahul-i kobi melii Tir menden melenzüktsü akok

New Delhi, October 22 (Agencies): October 26, 2017 nü Congress vice-president Rahul Gandhi menden ajungketba osang metetdaktsütsü akok ta angazüker.
October 30, 2017 nü Rahul-i tetsü Sonia Gandhi ket nungi Congress President indang menden melenzüktsü akok, ta tanü media osangtem ajanga metetdaktsü.
October 24 nü Congress Working Committee (CWC) senden amentsü aser iba mapang Rahul menden ajungkettsü atema telemtetba agitsü ta osang ajangasa ashi.
Congress telok sasep nung elections agitsü mapang tonga arur aser tang parnoki menden melenshitsü atema maparen teinyakdak lir.
Rahul President akümba sülen Congress lenisüba nung temelenshi tulu ka adoktsü ama imlar.
Tesüiba küm ishika Congress-i election aika nung tamakok ngua aruogo aser Rahul-i Congress Tir menden melenzükba sülen lanur lennir aika pa lenisüba kübok shimoktsü akok.
Rahul-i President mapa agizüka inyakba sülen Congress nung state units, central panels, aser tanga party units nung tejak tasen aika shimtsü, ta media osang ajanga ashi.