Rahul-i Punjab Congress lenirtem ajuru

Faridkot, (Punjab) November 05 (Agencies): Tang Punjab Congress party telung nung rongrongshirong aliba mapang ka nung tanü Brihostibar nü party tatong Tir, Rahul Gandhi-i state nung senior lenirtem jazüka senden ka kaogo.

Behbal Kalan yimtsüng nung police-i Sikh nunger ana kasetba kibongtem Rahul-i semdangba sülen pai party MP aser taoba Chief Minister Amarinder Singh, state party tongti, Partap Singh Bajwa aser CLP lenir Sunil Kumar Jakhar nunger den senden ka kaogo.

Iba senden nungsa taoba mapang state chief minister Rajinder Kaur Bhattal, party MP Ravnit Singh Bittu aser Ambika Soni nungera liasü.

State Party nung taoba Chief minister, Amarinder Singh aser state party, tongti Bajwa na camp balala lemsar mepetmesü aliba mapang ka nung Congress leniri state semdangogo.

Amarinder Singh-i 2017 küm assembly election matongdangsa state party tongti Bajwa melener, aji oda Punjab Congress nung telongjem, alitsü atema Rahul-i jembiogo, ta osang ka ajanga ashi.