Rahul-i Rajasthan CM shimtsü: Ashok Gehlot

New Delhi, Luchii/December 11 (Agencies): Rajasthan assembly election nung Congress Party-i takok tulu anguba sülen tanü nikongdang Congress lenir aser taoba mapang Rajasthan Chief Minister, Ashok Gehlot-i, Chief Minister menden atema telemtetbaji Congress party Tir, Rahul Gandhi-i agitsü, ta metetdaktsü.
Paisa, Rajasthan densema state ponguprongla nung Congress Party-i junga inyaktetbaji Rahul ajanga lir, ta tenüngsang agutsü.
“Congress-i majority angutsü aser Rajasthan nung sorkar akumtsü,” ta pai ashi.
Chief Minister shiba asütsü, ta asüngdangba langzüdang pai, ibaji party MLA tem aser Congress Tiri shimtsü, ta langzü.
Gehlot-isa, Rahul Gandhi-i nüburtem dak sendakba tongtibang onük aika jembi, aser ibaji ajanga Ato kilonser, Narendra Modi jenjang tsünglangleni alu, ta ashi.
Paisa, Rahul-i mezüngbuba Gujarat nung Narendra Modi aser BJP tongti, Amit Shah na jenjang raksatsü aser tongtibang onüktem nung ajemdaker inyak, ta ashi.
Rahul Gandhi-i osettsüset nung jenjang atuba, aluyimertem timtem aser Rafale ochimashi ken o indang jembiba ajanga Congress tajangzük angu, ta paisa shisem.