Rahul, Sonia, Manmohan nungeri Sri Lankan PM ajuru

New Delhi, Mongouteni/October 19 (Agencies): Congress Party Tir, Rahul Gandhi, UPA Chairperson, Sonia Gandhi aser taoba mapang Ato kilonser, Manmohan Singh nungeri tanü New Delhi nung Sri Lanka Ato kilonser, Ranil Wickremesinghe ajurua senden menogo.
Iba senden tembangba sülen Rahul-i, “Sri Lanka Ato kilonser den senden tajung ka menogo. India aser Sri Lanka na akhidang nungi sobaliba nung tesendaktep junga lir,” ta metetdaktsü.
Wickremesinghe-i anogo asemnü India semdanga yashi New Delhi tonga arua liasü.
Pai India Ato kilonser, Narendra Modi den senden mena onük aika nung o lemteptsü, aser item onük rongnung Sri Lanka north tsütsü housing projects densema lir.
Sri Lanka lenirisa External Affairs Minister, Sushma Swaraj aser Union Home Minister, Rajnath Singh nata ajurutsü sentong lir.
Pai anogo asemnü India semdangba mapang nung linük ana shishilembaba aser investment nung tesendaktep jenjang ajungkettsü atema jembitsü.