Railway-i ticket karaa book sütettsü asoshi ‘App’ tasen ka sayaogo

January 11, 2017 (Agencies): Train ticket tekaraba aser temelaba jelia meka yutettsü asoshi Railway-i ticket book asüba ‘app’ IRCTC Rail Connect sayaogo.
Iba ‘app’ ajanga tatkal ticket, tetsürtem atema lemzüktsüba shilem, premium tatkal quota booking aser current reservation tem ajak jelia mekaa yutettsü.
Indian Railway Catering aser Tourism Corporation (IRCTC) Limited kobai online train ticket meka ayuba achayanger, parnoki iba App tasen IRCTC Rail Connect ya parnok indang website den sendaktepba lir.
Iba ‘app’ ajanga ainlen senzürtemi ticket ali mali jangjatsü aser meka yutettsü, mesüra thinentsü akok. Tang app tasenba ajangasa train senzüba sentongtem jelia metetdaktsütsü, ta IRCTC ajanga ashi.