Railway mapa inyakertem asoshi biometric attendance system tenzüktsü

New Delhi, November 5 (Agencies): Mapai menur arurtem azüoktsü atema railway ministry-i sangküm nungi Aadhaar nung ajemdaker biometric attendance system tenzüktsü.
Sangküm January 31 nungi iba inyakyim ya zones aser divisions ajak nung mapa küma tenzüktsü ta railway board-i November 3, 2017 nü zone ajak dangi osang yokogo.
November 30 tashi nung biometric attendance system ji divisions, zones, Metro Rail Kolkata, railways workshop, factories aser production units nung tenzüktsü, ta railway board-i ashi.
“Ketdangsertem menur mapai aruba mesüra maruba azüoktsü atema iba sentong atonger” ta railway ketdangser kati ashi.
“January 31, 2018 tashi nung zone, division aser Railways indang office ajak nung Aadhaar-based biometric attendance system tenzükba sülen iba khuret ya koktettsü” ta paisa shisem.
Iba inyakyim ya tang railway board aser zonal headquarters kar nung tenzüka lir. Railway board-isa ashiba agi biometric system ji divisional railway manager indang office ajanga ketdangsüa reprangtsü aser biometric machine den külemi CCTV camera tem enoktsü, ta parnokisa shisem.