Railway Minister-i Tupul nung lung azüngtsü

Imphal, November 12 (Agencies): Honibarnü Union Railway Minister, Suresh Prabhu-i Manipur kübok Tupul nung Station Building yanglutsü, Portal No. 2. mapa tenzüktsü aser Longest Tunnel No. 12 nung Safety Tunnel yanglutsü atema lung azünga yutsüogo.
Indian Railway-i northeast state yimtiba ajak sendakteptsü ta alizüng yua aliba nung ajemdaker 2008 küm Jiribam – Tupul-Imphal broad gauge railway project tenzük.
Iba ya National Project ka ta züngok aser Jiribam nungi Dolakhal section tashi yangluogo aser March 2016 nungi khu abenba train senzü tenzüktsü.
Jiribam Tupul Section (Kilometer 84) nung lungpok 37 yanglutsü aliba nungi October 31 tashi nung 29 bo yangluzükogo aser tekaratiba nung tanüngba mapa tembangtsü meranger.