Railways-i küm pongu nung mapa million aika adokdaktsütsü: Piyush

Mumbai, October 29 (Agencies): Indian Railways-i taruba küm pongu nung US sen billion 150 indoktsü, aser ibaji ajanga mapa million aika adokdaktsütsü, ta Railway Minister, Piyush Goyal-i metetdaktsü.
Taküm August ita nung Ato kilonser, Narendra Modi-i aniba Cabinet melenshiba/melentepba mapang nung Goyal-i railway ministry agizüka liasü.
“Taruba küm pongu nung Railways kijai US sen billion 150 dak tema indoka inyaktsü, aser ni ibaji ajanga mapa adokdaktsü. Railway sector nung investments ajanga mapa million aika adokdaktsütsü,” ta pai ashi.
Yasüng tesü Economic Times-i ayongzükba sentong ka nung jembidang Goyal-i, Railways-i sorkar sentong aika inyaktettsü, ta ashi.
Goyal-isa, ministry-i tamalen rail lines ajak nung electrification atema küm 10 atemzüka alibaji küm 4 nung tembanga inyaktsü merangtsü, ta ashi,
Electrification mapatong ajanga railway-i kümshia totzü nung indokba sen crore 10,000 kümzüktsü, ta paisa ashi.
Tan ita tenzüklen Goyal-i, taruba ita 12 tsüngda Railways-i mapa million ka adokdaktsütsü, ta jembia liasü.
Taoba Railway Minister, Suresh Prabhu-i 2015 küm, taruba küm pongu nung Railways-i sen trillion 8.5 investments asütsü nüngdaker, ta jembia invest asütsü asoshi bendangertem ayongzüka lir.