Raj Bhavan E-Governance project aser mobile app sayaogo

Aami (June) 22, 2018 nü Governor PB Acharya-i Raj Bhavan nung E Governance project aser mobile app sayatsüdang agiba noksa angur.

Dimapur, Aami (June) 2 (TYO): Aami (June) 22, 2018 nü Nagaland Governor PB Acharya-i Raj Bhavan Kohima nung E-Governance project & mobile app sayatsüogo.
Iba sentong nung Governor Acharya-i Nagaland nung department ajak dang nübortem asoshi Digital India Programme tenzüktsü atema tayongzükba agütsü.
India sorkari information technology ajanga public services ajunga melenshitsü atema Digital India programme tenzük, ta Principal Secretary to the Governor of Nagaland, Piyush Goyal, IAS-i ashi.
Governor’s Secretariat-i IT&C department nungi teyari agia Raj Bhavan Grade IV staff atema inventory management, record management, GPF record management tem computerized süogo, ta paisa ashi.
Goyal-isa ashiba agi, applications timi amshitsü atema ketdangsertem training jungjunga agiogo.
Android atema Raj Bhavan, Nagaland application ji Raj Bhavan website (www.rajbhavan.nagaland.gov.in.) nung angutsü.
Iba app nung Raj Bhavan indang 360 degree virtual tour lir aser ibaji GIS, Nagaland ajanga yangluba lir.
Iba app nungsa Raj Bhavan indang putiotsü, taoba Governor tem aser parnok indang temetettsü, onüktem, sangdong agütsübatem aser Raj Bhavan Nagaland dak sendakba osangtem angutsü.