Raj Bhavan-i Major Abhishek den tepila sentong agi

Dimapur, Chiteni (July) 6 (TYO): Chiteni (July) 6, 2018 nü Nagaland Governor PB Acharya-i anir Raj Bhavan Kohima nung ketdangser aser staff temi Aide-De-Camp (ADC) to Governor Nagaland, Major Abhishek Biswas den tepila sentong ka agi.
Durbar Hall, Raj Bhavan Kohima nung agiba sentong nung jembidang Governor Acharya-i “Indian Army nungi Major Abhishek-i civilian setup den liromedemtet aser ADC to the Governor mapa takok ngua inyakogo” ta ashi.
PB Acharya-isa Major Abhishek dang pelaba ashiba den tarutsü wadangtem asoshi moatsü.
Principal Secretary to the Governor, Piyush Goyal-ia o jembidang, Major Abhishek ya kanga dang meranga aser nendaka inyakba ketdangser ka lir aser pai kanga junga ADC mapa inyakogo, ta ashi.
Major Abhishek-i tepila o jembidang, pa Nagaland nung alidang Governor’s Secretariat-i pa den yaritepba atema pelaba metetdaktsü.
Major Abhishek ya Metsüremi (March) 21, 2016 nü küm ana atema ADC to Governor inyaktsü tenzük aser iba sülen ita trok atema mapang apuloktsü.
Pa IIT, Madras nung Post Graduate Engineering Course atema shim aser iba jagi pa indang kümsük metembangdang iba course agitsü atema aotsü. Iba sülen Major Abhishek-i par Unit nung mapa inyaktsü.
Sentong nungsa Joint Secretary SK Sahoo aser Joint Secretary George Abraham natia tepila o tatsütsü jembi.