Raj Bhavan staff chirnurtem atema sentong tajung ka katsü

Kohima, July 07 (TYO): Governor’s Secretariat nung Staff Welfare Society aser Raj Bhavan Kohima nung Household staff temi parnok chirnurtem atema July 07, 2017 nü Recreation Hall, Ura Bhavan nung Children’s Meet ayongzüka katsü, ta PRO to Governor-i sangdong ka nung metetdaktsü.
Iba sentong nung tawa HSLC aser HSSLC tatidang nung takok angur kaketshirtem nem senpet lema agütsü, iba den külemi school nung first position mesüra A1 grade angur kaketshirtem nema sempet lema agütsü.
Sentong nungsa tanurtemi saisapong balala asaya aser Raj Bhavan Staff tem den sensaksema liasü.
Iba sentong ya teti agi-a tanurtem summer vacation mapang nung ayonga akar, aser iba sentong ya Raj Bhavan nung inyaker kibongtem taliba longjemtsü nükjidong nung ayonga amunger, iba den külemi tanurtem kaket shisatsü taliba nendaka bushitsü atema ajungshitsü asoshi ayonga akar.