Rajastan nung PhD kaketshir ka soseta asü

Jaipur, February 06 (Agencies): Ajmer nung aliba Central University of Rajasthan (CURAJ) nung azünger PhD shisashir ka hostel takdang nung soseta süogo.
“Yasüng Mohit Chauhan pa indang hostel takdang nung soseta süogo. Tasümangji local hospital kati bener ao aser Uttar Pradesh nung aliba par tsüraburtem danga iba osang metetdaktsüogo,” ta tanü police-i ashi.
Pa takdang nungji soseta asüba shidi maliasü saka pa takdang nung aliba kakettembo bushisüngdangdar, ta additional SP Ajmer Rural, Vinit Kumar Bansal-i ashi.
“Mezüng bushisüngdangba ajanga, pa ya tejashi mapang ka nung liasü ta bushitet. Pa tesayur/guide-ia pa merenshia liasü ta angazüker,” ta paisa ashi.