Rajdhani Express ticket jenjang agi Air India ticket angutsü

New Delhi, June 28 (Agencies) : Rajdhani Express nung confirmed ticket mangurtem nem ‘Super fares’ inyakyim kübok tayimtsü nung train first class jenjang den saku agi ticket agütsütsü, ta Mongulbarnü Air India-i metetdaktsüogo.
“Iba inyakyim kübok passenger temi tayimtsü apusotsü gondha pezü lia ticket alitettsü. Ticket jenjangji Rajdhani Express (1A) den saku asütsü,” ta Air India-i sangdong ka ajanga metetdaktsü.
Kasa inyakyim kübok passenger temi linük telungtet nung jajaba tayimtsü kar nung economy class (one way) atema ticket tem June 26 nungi September 30, 2016 tashi atema alitettsü.
Tang Indian Railways network kübok Rajdhani Express train 21 jajadar aser anogo shia passenger 20,000 shi item train nung jajar.
Passenger meyirjang aika Rajdhani Express nung ticket makoer, ta airline-i ashi.
“Onoki iba ongdang nung apulatsütsü aser ibaji ajanga nüburtemi Air India booking office tem ajanga mesüra www.airindia.com ajanga tayimtsü atema ticket, Rajdhani Express (1A) ticket jenjang den saku agi alia parnok aotsü aliba tesemi otettsü,” ta airline-isa ashi.
Air India website ajanga ticket aliba mapang nüburtemi ‘promo code’ ‘SPOT’ amshia alitsüla, ta Air India-i metetdaktsüogo.