Rajen Gohain-i Agartala Rajdhani tenzüktsütsü

Agartala, October 27 (Agencies): Honibarnü Minister of State for Railways, Rajen Gohain-i Agartala railway station nungi Rajdhani Express tenzüktsütsü.
Iba sentong nung tongti tesemdangerji Tripura Governor Tathagata Roy asütsü, ta Chief Public Relation Officer (CPRO), PranabJyoti Sharma-i ashi.
Asüng train ji tenzüktsütsü saka November 6, 2017 nungiang jaja tenzüktsü. Iba train ya Hombar shia Agartala nungi aser Bodbar shia Anand Vihar, New Delhi nungi apusotsü, ta Sharma-isa metetdaktsü.
Rajdhani Express nung ghonda 40 aser minute 50 jajatsü aser train ji station 16 nung anenzüktsü.
Train nung takdang 14 alitsü aser iba nung AC first class 1, AC two tiers 2, AC three tiers 8 aser pantry car den power cum luggage vans 2 adentsü.
Assam nung Guwahati aser Dibrugarh sülen North East nung Rajdhani anguba jila tasembubaji Agartala asütsü.
Honibarnü agitsü aliba sentong nung Tripura Transport Minister Manik Dey, State PWD Minister Badal Chowdhury, Tripura nungi Lok Sabha MP ana- Jitendra Chowdhury o Sankar Datta nungertem adentsü.