Rajeshwari Karuna School Tuli nung Summer camp agi

Dimapur, July 18 (TYO) : July 16 aser 17, 2015 nung Rajeshwari Karuna School Tuli kaketshirtem atema Summer Camp ka ayongzüka agiogo.
Iba sentong ya “Make your world colourful” omen nung ajemdaker agi aser kaketshirtemi noksa yangluba, kentenba, tsüngsangba amala shilem balala agi. Iba denji kaketshir nem lipuküm aser chiyungtsü tajung achiba amala tongtibang onüktem tesayuba agütsü.
July 16, 2015 anepdang 8:00 ako nungi Summer Camp tenzük aser iba mapang noksa yangluba, kentenba, quiz indang tesayuba agütsü aser water games balala asayatep.
Iba sülen July 17 nü Rajeshwari Karuna School nung azünger kaketshir tsüraburtem den ano tanga tsüraburtem ajak jaoker sentong agi. Iba mapang tsüraburtem atema Cycling race tetoktepba liasü aser School Staff o tsürabur tsüngda volley ball asayadaktsü.
Nikongtsütsü sempet sayaba sentong ka agi aser iba mapang kaketshirtemi kentenba, jilushi aser tsüngsangtem ajanga shilem agia liasü.