Rajinikanth film ‘Kabali’ Tamil New Year nung sayatsü

September 27, 2015: Kanga nüngtugu actor Rajinikanth-i tongti shilem agiba Tamil film “Kabali” Tamil New Year mapang, April 2016 nung sayatsü sentong lir.
“Anogo tejangjabo ano melemtet, ajisüaka iba film ya April ita Tamil New Year hopta nung sayatsü sentong lir. Iba film tangokba sangküm January ita tashi nung tembangtsü aser iba sülen ita anaji production mapa inyaka atatsü,” ta film yanglurtem osang ka ajanga IANS dang ashi.
Rajinikanth-i nisung tamajunger telok ka nung lenir shilem agitsü. Iba film nungsa Radhika Apte, Dinesh, Dhanshikaa aser Kalaiarasan nungeria tongtibang shilem agir.
“Tang parnok yangi (Chennai) film tetangoktak. Iba sülen Malaysia-i oa film shilem timbaka yangji tangoktsü,” ta kasa osang ajanga ashi.