Rajinikanth-i ‘For the Love of a Man’ reprangtsü

November 01, 2015: Actor Rajinikanth-i memunui ‘For the Love of a Man’ documentary reprangtsü, ta osang kar ajanga shiogo. Iba documentary ya nüngtugu nisungtem tebilemba aser parnok sapurtem dak ajemdaker yangluba lir.
Tang temungdak Jio MAMI Mumbai Film Festival nung Deobar nü, ano iba documentary mesayu tsüngda, director Rinku Kalsy-i, iba documentary ya memunui Rajinikanth danga sayutsü, ta ashi.
“Ni Rajinikanth’er jala Aishwarya den anogo ana tejaklen yangi ajurua liasü. Laia iba documentary indang angashiogo aser memunui reprangtsü shiogo,” ta Rinku-i ashi.
Minute 90 documentary ya Rajinikanth sapurtemi pa bendang agüja meimba aser tsüngrem amai amshiba otsü lir.