Rajinikanth-i pa sapurtem den ajuruteptsü aliba sentong athi

April 8, 2017 (Agencies): Rajinikanth-i April 12 nungi tenzüka anogo 5 pa sapurtem den ajuruteptsü asoshi sentong yanglur aliba thitsüogo.
Nüngtugu actor-i pa sapurtem den Chennai nung April 12 nungi 16 tashi ajururteptsü sentong aliba athi, kechiyong pa parnok ajak den noksa tangoktsü asoshi tasak asütsü, ta sangdonga liasü.
Aji saka pai maneni pa sapurtem den pei district nung ajurua noksa tangoktsü asoshi nangzükogo. “Tarutsü nung district ajak nung ni sapurtem den ajurutepa parnok ajak den kija noksa tangoktsü asoshi sentong yanglutsü. Nenoki iba telemtetba angatettsü ta amanger,” ta pai ashi.
Pai mezüngbo pa sapurtem district asem pezü ka nungi Chennai nung ajuruteptsü asoshi sentong yanglua liasü.
Actori tawa Tamil nunger lokti balala ajanga nokdangba ajanga Sri Lanka semdangtsü asoshi sentong aliba thia liasü.
Maneni pa ajaki yongya aliba sci-fi film 2.0 nung shilem agiba angutsü.