Rajinikanth-i shilem agitsü aliba ‘Kabali’ film tangok tenzükogo

September 17 (Agencies):Film nung shilem agir mongin, Rajinikanth-i ozüng anema benshir ka ama shilem agitsü aliba “Kabali” film Brihostibar nü official süa maparen tenzükba sangdongogo. Iba film ya pa asoshi film 159 buba lir.
Iba film tangok tenzüktsü asoshi sarasadema amungba sentong akadang Rajnikanth-i jean longpant anüng sentsü tesangwa ka den tula anüng sentsü tamang ka semer arua dena liasü.
“Kabali” atema sarasadem agiba sentong nung film nung shilem agitsüpur ajak den producer Kalaipuli S. Thanu aser director Pa. Ranjith nungera dena liasü.
Iba film nung inyakertemi ashiba agi, Rajinikanth-i iba film asoshi anogo 106 laleta yuogo aser January 2016 tatemlenbosa tangokzüktsü nükjidong lir.
“Kabali” ya India nung tatsüka tangokba sülen Malaysia nung oa tangoktsü tebilemba lir.
Iba film ya Chennai nung ozüng anema benshir nisung ka otsü dak ajemdaker yangluba otsü ka lir aser iba film nung Radhika Apte, Dhansikaa, Kalaiarasan aser John Vijay nungeria tongtibang shilem kar agia lir.